POESIE - CAMPANIA
'o sole e 'o vico

Dialetto: Campania

'o sole e 'o vico
Dialetto napoletano

Là 'ncoppa ce sta 'o cielo e ccà sta ' vico
addo' se nasce,cresce e nun se vola
addo' 'o muschillo è sempe cchiù nemico
e d''a camorra è prufessore 'e scola.
'E vvote nun arriva a diciott'anne
p''a droga,p''a camorra o pe' na sòla
e 'o rrusso 'nterra,dint''e vascie 'o ssanno,
è sango nun è zuco 'e pummarola.

Chesta città cu''a capa 'int ' a' cullina
cu''e piede 'nfuse dint'all'acqua 'e mare
è na fotografia p''a cartulina
che fà vedè tanta bellezze rare.

Ma 'ncuorpo tene 'e vierme dint''a panza
ca strisceno p''e strade,'int''e quartiere,
so' pisce piccerille,so' 'e paranza,
songhe gocce 'e veleno 'int''o bicchiere.

Ellera marcia che s'attacca 'e mmura
già pe' nu terramoto sfravecate,
è chella che fa mettere paura,
è na lanterna 'mmano a sti cecate!

Ca po' da luce sulo 'a frennesia
cercanno 'o suono 'e nu mutivo antico
ma nun se sana chesta malatia
si' 'o sole sta là 'ncoppa e cca' sta 'o vico.




Traduzione in italiano

il sole e il vico


Là sopra c'è il sole e qua c'è il vico
dove si nasce,cresce e non si vola
dove il micro-delinquente è sempre più nemico
e della camorra è un professore di scuola.
Alle volte non arriva a diciotto anni
per la droga,per la camorra o qualche truffa
e il rosso in terra-nei bassi lo sanno-
è sangue non è sugo di pomodoro.

Questa città con la testa sulla collina
ed i piedi bagnati dall'acqua di mare
è una foto per le cartoline
che fa vedere tante bellezze rare.

Ma in corpo ha i vermi nella pancia
che strisciono per le strade dei quartieri
sono pesci piccoli,di rete a sacco,
sono gocce di veleno in un bicchiere.

Edera marcia che si attacca alle mura
già per un terremoto disastrate
e quello che fa mettere paura
è una lanterna in mano ai non vedenti.

Che può dar luce solo alla frenesia
cercando il suono d'un motivo antico
ma non si sana questa malattia
se il sole sta là sopra e qua sta il vico.


Racconto inviato da: Luciano Somma